甄子丹：《葉問4》明年底開拍

甄子丹與太太汪詩詩等出席馬場活動，觀賞賽事。他透露，《葉問4》會待明年底才開拍，「目前我要拍其他戲，加上距離開拍《葉問4》仲有一段時間，所以劇本交咗俾導演去諗，相信佢會加入一啲新鮮感俾觀眾。」至於會否邀請太太或熊黛林演出，他稱：「依家只係初步階段，我連故事內容都唔知，選角方面當然亦未決定，所以都係留番俾導演去諗，或者下星期我問下導演。」