林日曦形容《大死撐日》是自私實驗。
由林日曦(腦細)自編自導自演的的舞台劇《大死撐日》，獲毛舜筠首踏舞台獻第一次，白只、楊偉倫、胡麗英聯合演出。腦細在首日演出後，在社交平台分享：「玩咗一樣想玩好耐嘅嘢」，形容是自私實驗，糅合古裝、粵劇、水墨、奇幻、沉浸。不過，入場觀眾或許覺得跟以往林日曦作品的質感有分別，在社交平台分享期望落差，甚至坦言有悶場。
經過首周末共5場演出後，腦細昨日(31日)趁休演日，在社交平台發文向觀眾致歉，「經過頭一星期，面對現實，今次係我寫得唔夠好(冇劇透)」。他續寫：「我自己感覺得到，今次我寫得唔夠好，我原先想突破試啲自己完全唔熟悉嘅古裝/粵劇/一大堆人嘢，想擺脫我一貫作品的風格，但眼高手低，令到雖然有好支持的觀眾話好睇，但亦有觀眾覺得悶。再加上與上次《大反枱日》比較一面倒好評，期望落差，但無損同事們一起的設計及製作好高水準，更加無損毛姐及一眾演員表現出色，好多謝演員及所有幕後同事，彌補我的不足，向覺得我寫得差嘅觀眾致歉。」
ADVERTISEMENT
